سینٹ الیکشن سے قبل فیصل واوڈا کی مشکلات میں اضافہ

جی این این کے مطابق تحریک انصاف کے سینیٹ امیدوار فیصل واوڈا کی مشکلات میں اضافہ ہو گیا ۔ الیکشن ٹربیونل نے الیکشن کمیشن اور فیصل واوڈ اکونوٹس جاری کردئیے۔الیکشن ٹریبونل میں سینیٹ کیلئے فیصل واوڈا کے کاغذات نامزدگی منظور کرنے کیخلاف اپیل دائر کردی گئی، قادر خان نے فیصل واوڈا کو نااہل قرار دینے کی درخواست دائر کی ۔قادر خان مندوخیل کی جانب سے رشید اے رضوی پیش ہوئے، رشید اے رضوی نے موقف اختیار کیاکہ فیصل واوڈا نے امریکی شہریت سے متعلق حقائق چھپائے، وفاقی وزیر کے کاغذات نامزدگی مسترد کیے جائیں۔درخواست میں کہا گیا کہ وفاقی وزیر کے دہری شہریت رکھنے سے متعلق دستاویزات ٹریبونل میں پیش کردی گئیں ۔ 

درخواست پر سماعت کے دوران الیکشن ٹربیونل کے جج جسٹس آغا فیصل نے استفسار کیا کہ فیصل واوڈا کی جانب سے کوئی آیا ہے؟ جس پر فیصل واوڈا کے وکیل نے پیش ہو کر کہا کہ فی الحال مجھے کیس نہیں دیا، الیکشن ٹریبونل نے الیکشن کمیشن اور فیصل واوڈا کو نوٹس جاری کرتے ہوئے کل جواب طلب کرلیا،الیکشن ٹریبونل نے فیصل واوڈاکو پیش ہوکر وضاحت دینے کا حکم دیدیا۔