عمران خان کے ہاتھ دوسروں کی جیبوں میں ہوتے ہیں:محمدزبیر

تفصیلات کے مطابق سابق گورنر سندھ کا کہنا تھا کہ ن لیگ کے اقدامات کی وجہ سے کراچی میں امن آیا،کراچی کون لیگ نے این ایف سی کے علاوہ بھی حصہ دیا،مسلم لیگ ن نے گرین لائن منصوبہ شروع کیاتھا۔

رہنمامسلم لیگ ن کا کہنا تھا کہ ملک میں دو ایل این جی ٹرمینلزکام کررہے ہیں،دو ایل این جی ٹرمینلز ہم نے لگائے،انہوں نے تین سالوں میں صرف 40بسیں منگوائی،ہمیں زبردستی ہرایا نہ جاتا توہم 180 بسیں لاتے ۔

ان کا کہنا تھا کہ مسلم لیگ(ن)نےلیاری ایکسپریس وے کا منصوبہ شروع کیا،پورٹ قاسم پر بجلی کے دو منصوبے مکمل کئے،نیوکلیئر پاور پلانٹ لگایا،دو ایل این جی ٹرمینل بنائے،گرین لاین کا اسی فیصد پروجیکٹ ہم نے پورا کیا۔

انہوں نے کہا ہے کہ تین سال ہوگئے مگر وفاق کی جانب سے کراچی کو ایک روپیہ نہیں ملا،ہمارے دور میں بورڈآف انویسٹمنٹ کاچیئرمین کراچی سے ہی لگایاگیاتھا،ان سے ایک پل تک نہیں بنایاگیا۔

ان کا مزید کہنا تھا کہ پنجاب میں بھی ہمارے منصوبوں پر پی ٹی آئی اپنی تختیاں لگارہی ہے، ہم نے 11 ماہ میں لاہور میٹرو بنادیا تھا،ن لیگ نے تاریخی  منصوبے بنائے، اس وقت بورڈآف انویسٹرزکاکوئی چیئرمین ہی نہیں۔