وزیر خارجہ شاہ محمودقریشی دورہ نیویارک

تفصیلات کے مطابق وزیر خارجہ نے اقوام متحدہ کی جنرل اسمبلی کے 76ویں اجلاس کی افتتاحی تقریب میں شرکت کی،وزیر خارجہ نے کونسل آن فارن ریلیشنز میں بطور مہمان خصوصی شرکت کی ہے۔ 

وزیر خارجہ شاہ محمودقریشی نے امریکی وزیر خارجہ انٹونی جے بلنکن سے ملاقات کی ملاقات میں دو طرفہ تعلقات، افغانستان کی صورتحال اور باہمی دلچسپی کے امور زیر غور آئے جبکہ امریکی وزیر خارجہ نے انخلاء کے عمل میں پاکستان کے کردار کو سراہا۔

وزیر خارجہ نے اقوام متحدہ جنرل اسمبلی کے چھہترویں اجلاس کے موقع پر امریکی نمائندہ خصوصی برائے افغانستان ایمبیسڈر زلمے خلیل زاد ،صدر انٹرنیشنل کمیٹی ریڈ کراس، پیٹر مور سے بھی ملاقات کی ہے ۔ 

وزیر خارجہ، یورپی یونین کے خارجہ تعلقات اور سلامتی کے سربراہ بوریل جوزف سے ملےدو طرفہ تعلقات، اسٹریٹجک شراکت داری سمیت اہم امور پر تبادلہ خیال کیا گیا۔

وزیر خارجہ او آئی سی رابطہ گروپ برائے کشمیر کے اجلاس میں شریک ہوئے اورکشمیر میں جاری انسانی حقوق وبین الاقوامی قوانین کی سنگین خلاف ورزیوں پر پاکستان کی تشویش سے آگاہ کیا۔

اقوام متحدہ کی کمشنر برائے مہاجرین فلیپو گرانڈی سے ملاقاتیں کیں اور عالمی برادری کی توجہ افغانستان میں پنپتے ہوئے انسانی المیے کی جانب مبذول کروائی ہے۔

وزیر خارجہ نے سعودی عرب، قطر، ترکی ،مصر،انڈونیشیا، پرتگال، بیلجیئم، آئرلینڈ،سویڈن ،ناروے ،سلووینیا، رومانیہ، آسٹریا، فن لینڈ، جاپان، سمیت مختلف ممالک کے وزرائے خارجہ سے بھی ملاقات کی ہے۔

وزیر خارجہ نے ٹی آر ٹی ورلڈ ،نیویارک ٹائمز، الجزیرہ، ایسوسی ایٹڈ پریس کے ساتھ اہم علاقائی و عالمی امور پر پاکستان کا نقطہ نظر پیش کیا جبکہ فارن پریس ایسوسی ایشن کے ساتھ ورچوئل گفتگو کی ہے۔