میں نہ مانوں کی پالیسی سے عوام میں اچھا تاثر نہیں جاتا: شبلی فراز

تفصیلات کے مطابق وفاقی وزیر شبلی فراز کا کہنا ہے کہ الیکشن کمیشن کو ای وی ایم کا جو نمونہ پیش کیا وہ اک تصور ہے، ہم نے ایک راستہ اور حل پیش کیا ہے، الیکشن کمیشن جو چاہتا ہے وہ راستہ اختیار کرے۔

وفاقی وزیرسائنس اینڈ ٹیکنالوجی کا کہنا ہے کہ ہم نے یہ مشین الیکشن کمیشن کے بتائے ہوئے طریقہ کار کو مدنظر رکھ کر بنائی ہے،آج ٹیکنالوجی کا دور ہے مسائل کا حل ٹیکنالوجی میں ہی تلاش کرنا پڑے گا۔ 

ان کا کہنا تھا کہ ہمیں اس ملک کو آگے لیجانا ہے اور آئندہ انتخابات کو شفاف بنانا چاہتے ہیں، ہم چاہتے ہیں آئندہ انتخابات ایسے ہوں کہ ہارنے والا ہار اور جیتنے والا جیت قبول کرے۔ 

ان کا مزید کہنا تھا کہ سمندرپار پاکستانیوں کو ان کا حق دینے کے لئے اپوزیشن ہمارے ساتھ بیٹھے،یہ ان کا جمہوری فرض ہے۔