روپیہ کی قدر تاریخ کی کم ترین سطح تک گرگئی

اسٹیٹ بینک آف پاکستان کی جانب سے جاری کردہ اعداد و شمار کے مطابق روپیہ کی قدر تاریخ کی کم ترین سطح تک گرگئی ہے، انٹربینک میں ڈالر 170 روپے کی سطح بھی عبور کرگیا۔

Interbank closing #ExchangeRate for today: https://t.co/YDwx142yUz pic.twitter.com/eKyhHN5mgq

— SBP (@StateBank_Pak) September 29, 2021

سماجی رابطے کی ویب سائٹ ٹوئٹر پر اسٹیٹ بینک آف پاکستان نے ٹویٹ میں کہا ہے کہ انٹربینک میں ڈالر 51 پیسے مہنگا ہوگیا، انٹربینک میں ڈالر ملکی تاریخ کی نئی سطح 170 روپے 48 پیسے پر بند ہوا۔

گزشتہ روز اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 37 پیسے کا اضافہ ریکارڈ کیا گیا ہے۔فاریکس ڈیلرز کے مطابق انٹربینک میں ڈالر 169.60 سے بڑھ کر 169.97 روپے  پر بند ہوا ہے۔