روس کے شہر مولکینو  میں فوجی مشقوں دروزبہ VI کی افتتاحی تقریب کا انعقاد،  آئی ایس پی آر

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق روس کے شہر مولکینو  میں فوجی مشقوں دروزبہ VI کی افتتاحی تقریب کا انعقاد ہوا،پاکستان اور روس کی سپیشل فورسز مشقوں میں حصہ لے رہی ہیں۔

  آئی ایس پی آر کا کہنا ہے کہ  انسداد دہشت گردی کے حوالے سے  یہ مشقیں دو ہفتے جاری رہیں گی،افتتاحی تقریب میں کلوچ کے مئیر سرگئی بلو پولسکی مہمان خصوصی تھے، پاکستان اورروس کے اعلی حکام بھی  افتتاحی تقریب میں شریک تھے۔

ترجمان پاک فوج کے مطابق  افتتاحی تقریب  میں پاکستان اور روس کے قومی ترانے بجائے گئے،افتتاحی تقریب میں دونوں ممالک کے دستوں نےہتھیار اورآلات کا مظاہرہ کیا ۔

دروزبہ کے عنوان سے پہلی مشق 2016 اور دوسری 2017 میں پاکستان میں ہوئی تھی۔جبکہ  تیسری اور چوتھی  مشقیں 2018  اور  2019 میں کی گئی تھیں۔پانچویں مشقیں 2020 میں پاکستان میں منعقد ہوئیں تھیں۔