ن سے ش نکلے گی اب کہتا ہوں م بھی نکلے گی:شیخ رشید

تفصیلات کے مطابق شیخ رشید کا کہنا تھا کہ سلمان شہباز کو اگر کلین چٹ مل گئی ہے تو وہ اپنے تایا کو لے کر پاکستان آئیں۔

وفاقی وزیر داخلہ کا کہنا تھا کہ الیکشن میں22ماہ رہ گئےہیں،عمران خان ملک میں شفاف الیکشن کراناچاہتےہیں۔

ان کا کہنا تھا کہ اتنی بڑی نیوزی لینڈ کی فوج نہیں ہے جتنی ہم نے انہیں سیکیورٹی دی، ٹیم کے جاتے وقت بھی انہیں سیکیورٹی دی تاکہ وہ یہ نہ کہیں کہ سیکیورٹی نہیں دی گئی۔

انہوں نے کہا ہے کہ دنیا کوافغانستان کاساتھ دینا چاہیے اور اس کے منجمداکاؤنٹس بحال ہونےچاہئیں،افغانستان کی کوئی عسکری مدد نہیں کررہے،ہم دنیا کےساتھ کھڑے ہیں، چاہتے ہیں کہ دنیا بھی افغانستان کےساتھ کھڑی ہو۔

ان کا مزید کہنا تھا کہ راولپنڈی میں 2یونیورسٹیاں بناچکاہوں اور اب تیسری بنانےکی کوشش کررہاہوں،ویمن چیمبرآف کامرس کےمطالبات پورےکریں گے،دال،چینی،گھی،ادویات کی قیمتوں میں اضافہ ہواہے۔