سعودی عرب کے ساتھ تیل کی فراہمی کا معاہدہ تکمیل کے قریب ہے:شوکت ترین

تفصیلات کے مطابق وفاقی وزیر خزانہ کا کہنا ہے کہ تیل کی عالمی قیمتوں میں اضافے کےبعدپاکستان نے سعودی عرب سےدرخواست کی ہےکہ سعودی عرب ایک بارپھر موخرادائیگیوں پرپاکستان کو تیل فراہم کرے گا۔

شوکت ترین کا کہنا تھا کہ روشن ڈیجیٹل اکاؤنٹ میں بیرون ملک پاکستانی اپنااکاؤنٹ کھول سکتےہیں ،بیرون ملک پاکستانی اس اکاؤنٹ کے ذریعے نیا پاکستان اسکیم میں حصہ لے سکتے ہیں۔ 

وفاقی وزیر خزانہ کا کہنا تھا کہ حکومت کے انسٹرومنٹ بھی  خرید سکتے ہیں یہ ضروری نہیں کہ روشن ڈجیٹل اکاؤنٹ سے صرف انسٹرومنٹ خرید کی جائیں ،روشن ڈجیٹل کے تین سطحیں بنائی گئی ہیں ۔

ان کا کہنا تھا کہ بیرون ممالک ورکر سطح کے  پاکستانیوں نے پچھلے سال 29 ارب ڈالر بھیجے ہیں ،جو بہترملازمتوں میں لوگ کام کرتےہیں وہ باہر سرمایہ کاری کرتے تھے۔

ان کا مزید کہنا تھا کہ دوسری سطح کی کیٹگری کے لوگوں کو روشن ڈجیٹل اکاؤنٹ میں انسینٹو دیا گیا ہے جبکہ تیسری کیٹگری کیلئے کام کیا جا رہا ہے ۔