یکم اکتوبر سے اندرون ملک فضائی سفر کیلئے ویکسینیشن سرٹیفکیٹ لازمی 

تفصیلات کے مطابق قومی ائیر لائن پی آئی اے نے اندرون ملک یکم اکتوبر سے فضائی سفر کے لیے کورونا ویکسی نیشن سرٹیفکیٹ لازمی قرار دیدیا ہے۔ترجمان پی آئی اے کا کہنا ہے کہ یکم اکتوبر سے پی آئی اے کی تمام اندرون ملک و بیرون ملک پروازوں پر صرف ویکسینیٹڈ مسافر ہی سفر کر سکیں گے۔

ایئر پورٹ پر بورڈنگ کارڈ کے حصول کے وقت سرٹیفکیٹ چیک کیا جائے گا۔

دوسری جانب سول ایوی ایشن اتھارٹی (سی اے اے) کا کہنا ہے کہ یکم اکتوبر سے ڈومیسٹک پروازوں میں کھانے پینے کی اجازت ہو گی۔ سی اے اے حکام کی جانب سے جاری کیئے گئے بیان میں کہا گیا ہے کہ دورانِ فضائی سفر ماسک لازمی قرار دیا گیا ہے، جبکہ دیگر ایس او پیز پر بھی عمل کرنا ہو گا۔

سول ایوی ایشن اتھارٹی کی جانب سے یہ فیصلہ ملک بھر میں کورونا وائرس کیسز میں کمی کے بعد کیا گیا ہے۔