سندھ رینجرز نے اندھے قتل کا سراغ لگا لیا

تفصیلات کے مطابق  حساس اداروں کے تعاون سے  کارروائی کی گئی،جس میں مقتول کی لاش برآمد کرلی گئی ہے۔ترجمان رینجرز کا کہنا ہے کہ   20 سالہ عمر فاروق کوبہیمانہ قتل کے بعد اس کے افغانی دوست گل رحمان نے قتل کیا، ملزم دوست گُل نے لاش ڈرم میں بند کر کے بذریعہ کارگو براستہ پشاور افغانستان کے لیے روانہ کیا ، ملزم نے قتل کو اغوا کا رنگ دینے کے لیے مقتول کے لواحقین سے ایک کروڑ روپے تاوان کا مطالبہ کیا ۔

ترجمان رینجرز  کے مطابق  سندھ رینجرز کی جانب سے تحقیقاتی ٹیم تشکیل دی گئی ،جدید تکنیکی ذرائع استعمال کرتے ہوئے شواہد کی روشنی میں پشاور سے ڈرم میں چھپائی گئی لاش برآمد کر لی گئی، ملزم گل رحمان چمن کے راستے افغانستان فرار ہو چکا ہے ، قتل میں معاونت کے جرم میں ملزم کے قریبی ساتھی کو گرفتار کر کے تفتیش کے لیے پولیس کے حوالے کر دیا گیا ہے۔