وزیراعظم عمران خان سے ڈنمارک کے وزیر خارجہ کی ملاقات

تفصیلات کےمطابق  وزیرا عظم عمران خان اور ڈنمارک کے وزیر خارجہ کے مابین  ملاقات میں  افغانستان کی صورتحال پر تبادلہ خیال کیا گیا ۔

وزیر اعظم عمران خان نے اس موقع پر کہا کہ  ڈنمارک کے وزیراعظم سے چند دن قبل افغانستان کی صورتحال اور باہمی تعلقات پر بات چیت ہوئی، مستحکم اور پر امن افغانستان پاکستان کے لیے بہت ضروری ہے۔

 وزیراعظم کا کہنا تھا کہ عالمی برادری کسی بھی انسانی المیے اور معاشی تباہی سے بچنے کے لیے افغانستان میں تعمیری کردار ادا کرے، دنیا افغانستان میں میں پائیدار امن و امان کے لیے کردار ادا کرے۔ انہوں نے مزید کہاکہ جامع سیاسی ڈھانچہ افغانستان میں استحکام کے لیے ناگزیر ہے۔عالمی برادری کے مثبت پیغامات اور تعمیری اقدامات سے عدم استحکام اور مہاجرین کے انخلا سے بچاو میں مدد ملے گی۔