مسجدالحرام میں کورونا وبا کے بعد پہلی بار بیرونی صحن میں نماز کی تیاری

مکہ مکرمہ : مسجد الحرام  میں بیرونی صحن کو نماز کی ادائیگی کے لیے تیار کیا جارہا ہے ، کورونا کی وبا کے آغاز کے بعد بیرونی صحن میں نماز ادا کیے جانے کا یہ پہلا موقع ہوگا ۔ 

عرب میڈیا سے گفتگو کرتے ہوئے حرمین شریفین کے امور کے جنرل پریزیڈینسی کے ترجمان  ہانی حیدر نے واضح کیا ہے کہ تیار کا کام شروع ہوگیا ہے ۔ اس میں قالینوں کا رکھنا ، سینی ٹائریشن اور آپ زمزم کی بوتلوں کی فراہمی شامل ہے ۔ 

ترجمان کے مطابق آپ زمزم کی تقسیم کی جانے والی بوتلوں کی تعداد کو بڑھا کر 25 لاکھ تک کردیا گیا ہے ۔ علاوہ ازیں سینی ٹائزیشن کے عمل میں بھی اضافہ کردیا گیا ہے ۔ 

عرب میڈیا کے مطابق کورونا وبا کی صورت حال بہتر ہونے پر سعودی عرب کی وزارت حج و عمرہ نے متعمرین کی تعداد ایک لاکھ کرنے کا فیصلہ کیا ہے جبکہ خانہ کعبہ میں یومیہ 60 ہزار نمازیوں کو عبادت کی اجازت دی گئی ہے ۔