اسلام آباد:بارہ کہوکے علاقے میں خوفناک  حادثہ، 7افراد جاں بحق 

جی این این کے مطابق تھانہ  بارہ کہو کے علاقے پلگرام  میں  بارش کے باعث  گاڑی پھسل کر کھائی میں جا گری ، جس کے نتیجے میں   7 افراد جاں بحق ہو گئے ۔  مرنے والوں میں 6 خواتین اور ایک مرد شامل ہے ۔

جاں بحق افراد  کا تعلق ایک ہی  خاندان  سے ہے ۔ بدقسمت خاندان  شادی کی تقریب میں شرکت کیلئے اسلام آباد آیا تھا ۔  حادثے کی اطلاع ملتے ہی  ریسکیو اور پولیس موقع پر پہنچ گئیں  ۔ ریسکیو ذرائع کے مطابق میتوں کو پولی کلینک سے آبائی علاقے  منتقل کردیا گیا ہے ۔