نواز شریف اورآصف  زرداری نے  پاکستان کےساتھ کھلواڑ کیا:فواد چوہدری

تفصیلات کے مطابق وفاقی وزیر اطلاعات کا کہنا تھا کہ مریم اور بلاول ابھی دودھ پیتے بچے ہیں،ان کو ابھی خطے کے مسائل کا پتہ بھی نہیں،کیا ہم پاکستان ان بچوں کے حوالے کر دیں؟یہ کوئی بادشاہت کا دور تو نہیں ،ان کی پارٹیوں کو بھی کہوں گا کوئی بڑے لیڈر کھڑے کریں۔

فواد چوہدری کا کہنا تھا کہ وزیراعظم کشمیر،فلسطین اورافغانستان پر بات کرتے ہیں توپوری دنیاسنتی ہے،افغانستان میں پاکستان کا مثبت کردار دنیا کے سامنے ہے، پاکستان نے بارہا دنیا کو سمجھایا جنگ مسئلے کا حل نہیں، عمران خان نے شروع سے افغانستان کے سیاسی حل پر زور دیا۔

ان کا کہنا تھا کہ ہم نے دہشت گردی کیخلاف جنگ میں قربانیاں دیں،افغانستان میں ہونےوالی جنگ کاخمیازہ پاکستان کو بھگتناپڑا،آپ نے کوئی ملک ایسا دیکھا ہے کہ تبدیلی آجائے اور خون کا قطرہ نہ بہا ہو،ہمارے لئےپُراطمینان بات ہے افغانستان میں پُرامن تبدیلی آئی۔

انہوں نے کہا ہے کہ ہماری توجہ سکیورٹی اور معیشت پر ہے، سرحدوں پرروز ہمارے جوان شہادتیں دےرہےہیں، ہمارے جوان سینوں پر گولیاں کھا رہے ہیں اس لئےپاکستان میں امن ہے۔ 

ان کا مزید کہنا تھا کہ پاکستان میں عمران خان کے وژن کو دیکھتے ہوئے نجی طورپر جنگلات لگائےگئے،عمران خان شجرکاری کے معاملے پر اس وقت دنیا کی رہنمائی کر رہے ہیں۔