وزیراعظم آج کامیاب پاکستان پروگرام کا افتتاح کرینگے

تفصیلات کے مطابق وزیر خزانہ شوکت ترین نے اس حوالے سے  ایک بیان میں کہا ہے کہ کامیاب پاکستان اپنی نوعیت کا منفرد پروگرام ہے جس کے تحت 37لاکھ گھرانوں کو 14سو ارب روپے کے قرضے دیئے جائیں گے۔ یہ پروگرام محروم طبقات کی زندگیاں بدلنے اورمالی لحاظ سے بااختیار بنانے کےلیےتشکیل دیا گیا ہے۔

انہوں نے کہا کہ  کامیاب پاکستان پروگرام ملک میں غربت کے خاتمے میں کلیدی کردار ادا کرے گا۔ یہ غربت اور کمزور طبقات کےحوالے سے ریاست کے احساس کی ذمہ داری کی عملی تعمیر ہے۔ شوکت ترین کا کہناتھاکہ اس پروگرام کے 5 جزو ہیں، جس میں  کسانوں کو بلا سود قرض دینا، شہریوں کو کاروبار کیلئے 5لاکھ تک بلا سود قرض، اپنا گھر بنانے کیلئے فنانسنگ کی سہولت، سکالر شپ اسکیم  اور صحت انصاف کارڈ شامل ہیں۔