پیغمبر اسلامؐ کا خاکہ بنانے والا ٹریفک حادثے میں ہلاک

سٹاک ہوم :  پیغمبر اسلامؐ کا خاکہ  بنانے والا لارس ولکس  ٹریفک حادثے میں ہلاک ہوگیا۔ 

سویڈش میڈیا کے حوالے سے دی جانے والی رپورٹ کے مطابق ملعون ولکس کی عمر 75 سال تھی۔ یہ حادثہ اتوار کو جنوبی سویڈن کے قصبے مارکریڈ کے قریب اس وقت پیش آیا جب وہ پولیس کی سیکورٹی میں کہیں جا رہا تھا۔ روزنامہ ’دی ڈیگنز نیہیئٹر‘ (ڈی این) نے اپنی رپورٹ میں بتایا کہ ولکس کے ساتھی نے اس کی موت کی تصدیق کی ہے۔

سویڈش  پولیس نے کہا کہ’’اتوار کی سہ پہر مارکریڈ کے باہرای 4 پر ایک کار اور ٹرک میں ٹکر ہوگئی۔ ساؤتھ زون میں حادثے کے وقت دو پولیس افسران گاڑی میں بحیثیت گارڈ سفر کر رہے تھے۔ اس حادثے میں تینوں ہلاک ہوگئے ہیں‘‘۔

پولیس کے مطابق ابھی تک یہ معلوم نہیں ہو سکا کہ حادثہ کیسے ہوا، معاملے کی تحقیقات کی جا رہی ہے۔ خیال رہے 2007 میں پیغمبر اسلامؐ کا خاکہ بنانے کے بعد مسلمانوں کی ناراضگی کی وجہ سے لارس ولکس کو پولیس سیکورٹی دی گئی تھی۔

یہ بھی پڑھیں :

عامر لیاقت حسین  قومی اسمبلی  کی نشست سے مستعفی