کور کمانڈر کانفرنس : شرکاکابھارتی ملٹری کےگمراہ کن پروپیگنڈاکاشدیدنوٹس

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان میں کہا گیا ہے کہ  آرمی چیف جنرل قمر جاوید باجوہ کی صدارت میں 244ویں کور کمانڈر کانفرنس ہوئی ،  کانفرنس میں علاقائی سیکیورٹی بالخصوص بارڈرمنیجمنٹ

اورداخلی سیکیورٹی صورتحال پربات چیت کی گئی،  کانفرنس میں تیزی سےبدلتی صورتحال پرتفصیلی تبادلہ خیال ہوا۔

آئی ایس پی آر کے مطابق  کانفرنس کےشرکاءکاپاکستان کوعدم استحکام کودوچارکرنےکی سازشیں ناکام بنانےکےعزم کااعادہ کیا، شرکا  نے کہا کہ  بہاری قربانیوں سےحاصل امن واستحکام  کوتباہ کرنےکی سازش ناکام بنادیں گے۔

آئی ایس پی آر کا کہنا ہے کہ  شرکا نےبھارتی ملٹری کےگمراہ کن پروپیگنڈاکاشدیدنوٹس لیا،کانفرنس کے اعلامیہ میں کہا گیا  ہے  کہ  پاکستان کی جغرافیائی سرحدوں کےدفاع کیلئےتمام اقدامات بروئےکارلائےجائیں گے۔

اس موقع پر آرمی چیف جنرل قمر جاوید باجوہ نے کہا کہ  بےبنیادپروپیگنڈابھارت کی فرسٹیشن کامنہ بولتاثبوت ہے، یہ پروپیگنڈامقبوضہ کشمیرمیں انسانی حقوق کی سنگین خلاف ورزیوں سےتوجہ ہٹانےکی کوشش ہے۔

ترجمان پاک کا کہنا تھا کہ  شرکا نے افغانستان کی سیکیورٹی صورتحال اورانسانی بحران پرتشویش کااظہار کیا،  بامقصدبات چیت اورعالمی تعاون سےافغانستان میں دیرپاامن واستحکام کی راہ ہموارہوگی، آرمی چیف نےفارمیشنزکی آپریشنل تیاریوں کوسراہا۔ آرمی چیف  نےغیرملکی افواج کیساتھ تربیتی مشقوں کےانعقادپراطمینان کا اظہار کیا، پاک فوج نےمختلف ممالک کےافواج کساتھ انسداددہشتگردی کی مشترکہ مشقیں کی ہیں۔