پاکستان اور سعودی عرب کے درمیان تاریخی نوعیت کےتعلقات ہیں:آرمی چیف

پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل قمر جاوید باجوہ سے کمانڈر رائل سعودی نیول فورسز وائس ایڈمرل فہد بن عبداللہ کی ملاقات ہوئی جس میں باہمی دلچسپی،علاقائی سیکیورٹی اورفوجی ومیری ٹائم تعاون پرتبادلہ خیال کیا گیا۔

آئی ایس پی آر کے مطابق  ملاقات میں دونوں جانب سےباہمی دفاعی اورسیکیورٹی تعاون کومزیدفروغ دینےپراتفاق کیا  گیا جبکہ افغان صورتحال اورخطےمیں امن واستحکام کی کوششوں پربھی بات چیت کی گئی۔

 
آئی ایس پی آر کا کہنا ہے کہ ملاقات میں کمانڈر رائل سعودی نیول فورسز وائس ایڈمرل فہد بن عبداللہ نےافغان صورتحال بالخصوص غیرملکی عملےکےانخلاء میں پاکستان کےکردارکوسراہا جبکہ سعودی امیرالبحر نےخطےمیں دیرپاامن کیلئےپاکستان کیساتھ ملکرکام کرنےکےعزم کا بھی اعادہ کیا۔

اس موقع پر   آرمی چیف جنرل قمر جاوید باجوہ نے کہا کہ پاکستان اورسعودیہ کےباہمی تعلقات مضبوط پارٹنرشپ میں بدل چکےہیں۔ دونوں ملکوں کے گہرے، قریبی اورتاریخی نوعیت کےتعلقات ہیں۔