بنوں میں نامعلوم افراد کی فائرنگ، پیپلز پارٹی کے ضلعی صدر جاں بحق 

جی این این کے مطابق   کچہری کے باہر نامعلوم  افراد  کی فائرنگ سے پیپلز پارٹی کے ضلعی صدر ضلعی صدر اشفاق خان جاں بحق ہوگئے ۔ اس موقع پر پی پی پی کارکنوں  کا احتجاج، قاتلوں کو فوری گرفتار کرنے کا مطالبہ کیا ہے ۔ 

دوسری جانب چئیرمین بلاول بھٹو زرداری  نے  ضلع بنوں کے صدر ملک اشفاق خان کے بہیمانہ  قتل کی شدید الفاظ میں مذمت کی ہے ۔  پی پی پی چئرمین بلاول بھٹو زرداری  نے مطالبہ کیا کہ ملک اشفاق کے قاتلوں کو فوری گرفتار کیا جائے،  اشفاق خان کاکچہری کے سامنے قتل پی ٹی آئی حکومت کی کارکردگی پر سوالیہ نشان ہے، پی پی پی ضلع بنوں کے قاتلوں اور ان کے سرپرستوں کو کیفرکردار تک پہنچا کر دم لیں گے۔

 بلاول بھٹو زرداری نے کہاکہ دکھ کی اس گھڑی میں اشفاق خان کے اہل خانہ کے غم میں برابر کا شریک ہوں، پی ٹی آئی حکومت نے ملک میں قاتلوں کو کھلی چھوٹ دے رکھی ہے، اشفاق خان کے قاتلوں کا کچہری کے سامنے سے فرار ہونا حکومتی سیکورٹی اقدامات کی مکمل نفی کررہا ہے۔

نواب شاہ : ریلوے اپ ٹریک پر دھماکا