موسم کی تباہی کے باعث ٹی ٹوئنٹی ورلڈ کپ کی میزبانی کو الوداع کہنا پڑسکتا تھا: پنکج خمجی

تفصیلات کے مطابق عمان کرکٹ کے چیئرمین پنکج خمجی نے کہا کہ ہم بہت خوش قسمت ہیں کہ عمان طوفان کی بدترین تباہ کاریوں سے بچ گیا،ہم عملی طور پر مٹ جانے کے بہت قریب تھے۔

سمندری طوفان عمان سے صرف چند ناٹیکل میل شمال میں تھا، اس نے وہاں لینڈ فال کیا اور اس پورے علاقے کو تباہ کر دیا اور زمین پر سیلاب کا باعث بنا ،اگر یہ اس علاقے میں ہوتا تو میں ٹی ٹوئنٹی ورلڈ کپ کو الوداع کہہ دیتا۔

ایک طرف جہاں چند کیمپس طوفان کی وجہ سے اکھڑ گئے وہیں منتظمین شدید بارش کے بعد آٹ فیلڈ کی رنگت سبز ہونے سے خوش نظر آئے۔

ان کا مزید کہنا تھا کہ ہمارے پاس تقریبا 3 سے 4 انچ بارش ہوئی اور اس نے زمین کو مزید سرسبز بنا دیا، یہ اب اور بھی خوبصورت لگ رہی ہےاور اس نے تمام گندگی اور ریت کو دھودیا۔