یورپی یونین کی مسابقتی کمشنر کا فیس بک کا متبادل لانے کا مطالبہ

لندن : حال ہی میں کئی گھنٹوں تک سوشل میڈٰیا ایپس کی بندش کے بعد یورپی یونین کی مسابقتی کمشنر مارگریٹ ویسٹیگر نے فیس بک کا متبادل لائے جانے کا مطالبہ کردیا ہے ۔ 

یورپی یونین کی مسابقتی کمشنر مارگریٹ ویسٹگر نے حال ہی میں ٹویت کرتے ہوئے فیس بک کی بندش کے حوالے سے اپنی رائے کا اظہار کیا ہے ۔ 

مارگریٹ نے اپنی ٹویٹ میں لکھا کہ ہمیں ٹیکنالوجی مارکیٹ میں متبادل اور چوائسز کی ضرورت ہے ، ہم چند بڑے کھلاڑیوں پر بھروسہ نہیں کرسکتے ، یہ دیجیٹل مارکیٹس ایکٹ کا ہدف ہے ۔ 

مارگریٹ نے اپنی ٹویٹ میں مزید لکھا کہ کبھی کبھی ایک دوسرے سے فون پر بات کرنے سے بہتر کچھ نہیں ہوتا اور اگروہی آف لائن ہو۔تو ۔ 

واضح رہے کہ حال ہی میں پاکستان سمیت دنیا بھر میں واٹس ایپ ، فیس بک اور انسٹاگرام کی سروسز سات گھنٹوں تک متاثر ہوگئی تھیں ۔ جس وجہ سے کروڑوں صارفین کو مشکلات کا سامنا کرنا پڑا ۔