قومی ٹی ٹوئنٹی کپ میں آج دومیچ کھیلے جائیں گے

تفصیلا ت کے مطابق لاہور کے قذافی اسٹیڈیم میں آج پھر چار ٹیمیں مدمقابل آئیں گی ،  پہلے میچ میں سہ پہرتین بجے سنٹرل پنجاب کامقابلہ ناردرن سے ہوگا جبکہ دوسرامیچ رات ساڑھے سات بجے جنوبی پنجاب اورسندھ کے درمیان کھیلاجائے گا۔

قومی کرکٹ ٹیم کےکپتان بابر اعظم سینٹرل پنجاب کی قیادت کریں گے،  سینٹرل پنجاب کے کپتان بابراعظم 71.5 کی اوسط سے 286 رنز بناکر اب تک ٹورنامنٹ کے ٹاپ اسکورر ہیں۔ ایونٹ میں ایک سنچری بنانے کے ساتھ ساتھ ٹی20 کرکٹ میں سب سے کم اننگز میں 7ہزار رنز بنانےوالے پہلے بیٹسمین بھی بن گئے ہیں۔نائب کپتان قومی ٹیم شاداب خان ناردرن کی قیادت کریں گے ۔ 

قومی ٹی ٹوئنٹی کپ میں گزشتہ روز    بلوچستان نے خیبرپختونخواکوچھ وکٹوں سے شکست دی ۔خیبرپختونخوانے پہلے بیٹنگ کرتے ہوئے مقررہ بیس اوورزمیں چھ وکٹوں پرایک سوپچپن رنز بنائے ۔جواب میں بلوچستان نے ہدف انیس اعشاریہ چاراوورزمیں چاروکٹوں کے نقصان پر حاصل کرلیا۔