افغانستان میں امن ہوگا تو خطہ میں امن ہوگا:شاہ محمودقریشی 

تفصیلات کے مطابق وزیرخارجہ کا کہنا تھا کہ افغانستان میں قیام امن کی ہماری کاوشیں دنیا دیکھ رہی ہے،پاکستان افغان امن عمل سمیت خطہ میں امن واستحکام  کیلئےکوشش جاری رکھے گا۔

ان کا کہنا تھا کہ کشمیریوں کی سیاسی، سفارتی واخلاقی معاونت جارے رکھنے کیلئےپرعزم  ہیں،کشمیریوں کے حق خودارادیت کے حصول کی جدوجہد میں شانہ بشانہ کھڑے ہیں ، کشمیر کے باسیوں کی مشکلات کو عالمی سطح پراجاگر کرنے کے لیے کوشاں ہیں۔ 

شاہ محمو دقریشی کا کہنا تھا کہ قابض بھارتی افواج کے ظلم وستم اور جنگی جرائم کے ناقابل تردید شواہد پرمبنی ڈوزیردنیا کے سامنے رکھے،مظلوم کشمیریوں کو بھارتی قابض افواج سے نجات دلانے کے لیے عالمی برادری کو آگے آنا ہوگا۔

ان کا کہنا تھا کہ کورونا وبا نے دنیا کی طاقتور معیشت کو بری طرح متاثر کیا،پاکستانی معیشت حوصلہ افزا معاشی اعشاریوں سے ترقی کی راہ پر گامزن ہے۔

شاہ محمو دقریشی کا کہنا تھا کہ دہشت گردی، کورونا جیسے چیلنجز پرقابو پاکر مضبوط قوم ابھری ہے،پاکستان دنیا میں ایک خوشحال ملک کے طور پر ابھر رہا ہے۔

ان کا کہنا تھا کہ ملک میں زرعی اور درآمدات کے شعبہ میں نمایا ترقی ہورہی ہے،حکومت کی مؤثر پالیسیوں کی بدولت پاکستان کی ترقی عوامی مفاد میں جاری رہے گی۔

ان کا مزید کہنا تھا کہ بیرون ملک مقیم پاکستانی  کمیونٹی کی فلاح وبہبود ہماری اولین ترجیح ہے،ہمارے سفارتخانے بیرون ملک مقیم پاکستانیوں کو درپیش مسائل کے حل کے لیے کوشاں ہیں۔