جس طرح ہمارے ملک کے حالات ہیں کسی بھی وقت الیکشن ہو سکتے ہیں:خواجہ آصف

تفصیلات کے مطابق مسلم لیگ ن کے رہنما خواجہ آصف کا کہنا ہے کہ سڑک پر چلنے والے عام لوگوں سے پوچھا جائے کہ ان کے شب و روز کیسے گزر رہے ہیں۔

ان کا کہنا تھا کہ الیکشن کمیشن نے ووٹرز لسٹوں میں بڑے پیمانے پر تبدیلیوں کی وجہ ڈور ٹو ڈور تصدیقی مہم شروع کرنے کا فیصلہ کیا ہے۔

انہوں نے کہا ہے کہ ملک میں کرپشن اور مہنگائی کا سیلاب آیا ہوا ہے،کرپشن کے ریٹ پہلے سے چار گنا بڑھ گئے ہیں،کرپشن مہنگائ کا صرف ایک ہی حل ہے کہ 22 کروڑ عوام کو حق دیا جائے کہ وہ اپنے حکمران خود چنیں۔

 خواجہ آصف کا کہنا تھا کہ ووٹ کی عظمت کو بحال کیا جائے،جو لوگ سیاست کے نام پر دھبہ ہیں وہ سارے کے سارے حکومت میں بیٹھے ہوئے ہیں ،فرد واحد کی مرضی کے مطابق فیصلے نہیں ہونے چاہیں۔

ان کا مزید کہنا تھا کہ ایف بی آر کے دفاتر میں اگست کے مہینے میں الیکٹرانک ووٹنگ مشینوں پر ہیکرز نے 71 ہزار مرتبہ حملے کیئے ہیں۔