آزاد کشمیر ضمنی انتخابات ایل اے 12 کوٹلی میں پیپلز پارٹی آگے

تفصیلات کے مطابق حلقہ ایل اے 12 چڑھوئی کے ضمنی انتخابات میں  197 میں سے 196 پولنگ اسٹیشنز کے غیر حتمی غیر سرکاری نتیجہ کےمطابق پیپلز پارٹی کے امیدوار چوہدری عامر یسین  24335 ووٹ لے کر پہلے نمبر ہیں۔ 

غیر سرکاری نتیجے کے مطابق تحریک انصاف کے شوکت فرید  18858 ووٹ لے کر دوسرے نمبر پر رہے جبکہ مسلم لیگ ن کے راجہ ریاست  17892 ووٹ لے سکے۔

چڑھوئی تصادم ہونے کے باعث ایک پولنگ اسٹیشن کا رزلٹ روک دیا گیا ہے۔

آزاد کشمیر کے حلقہ ایل اے 12 کوٹلی میں کل ووٹرز کی تعداد ایک لاکھ 6 ہزار 428 ہے، حلقے میں 198 پولنگ اسٹیشنز قائم کیے گئے تھے، جن میں سے 101 پولنگ اسٹیشنز حساس ترین اور 36 حساس قرار دیئے گئے تھے، یہاں پیپلز پارٹی کے عامر یاسین، پی ٹی آئی کے شوکت فرید ایڈووکیٹ اور راجہ ریاست خان کے درمیان  مقابلہ ہوا۔

یاد رہے کہ گزشتہ عام انتخابات میں پیپلز پارٹی سے تعلق رکھنے والے اپوزیشن لیڈر آزاد کشمیر اسمبلی چوہدری محمد یاسین 2 حلقوں ایل اے 10 اور 12 سے کامیاب ہوئے تھےتاہم انہوں نے ایل اے 12 کی نشت چھوڑ دی تھی۔