ڈالر کی قیمت میں ایک بار پھراضافہ 

تفصیلات کے مطابق کاروباری ہفتے کے دوسرے روز انٹر بینک مارکیٹ میں ڈالر کی قدر میں 41 پیسے اضافہ ہوا جس کے بعد ڈالر  171 روپے 12 پیسے پر ٹریڈ ہوا۔ پاکستان سٹاک ایکسچینج میں بھی مندی کا رجحان ،  مندی کے سبب 100 انڈیکس 634 پوائنٹس کی کمی کے ساتھ 43ہزار195 کی سطح پر گر گیا۔

گذشتہ روز سٹاک مارکیٹ میں بدترین مندی ریکارڈ کی گئی، 100 انڈیکس میں 647.89 پوائنٹس کی گراوٹ دیکھی گئی اور 44 ہزار کی نفسیاتی حد گر گئی جبکہ انڈیکس 43829.35 پوائنٹس کی سطح پر پہنچ کر بند ہوا۔ پورے کاروباری روز کے دوران کاروبار میں 8 کروڑ 87 لاکھ 83 ہزار 259 شیئرز کا لین دین ہوا، سرمایہ کاروں کے 90 ارب روپے سے زائد ڈوب گئے تھے۔