پی آئی اے نے لاہور سے پشاور پروازوں کا آغاز کر دیا

جی این این کے مطابق قومی ائیر لائن  کی جانب سے  اندرون ملک سفر کرنیوالوں کو بڑی سہولت فراہم کر دی گئی ۔ پی آئی اے کی جانب سے  مسافروں کی سہولت کے لئے لاہور سے پشاور براہ راست پروازوں کا آغاز کیا جا رہا ہے ۔

ہفتہ وار دو پروازیں لاہور سے پشاور روانہ ہوں گی ، جس کے بعد 15اکتوبر بروز پیر اور جمعہ کو پروازیں پشاور روانہ ہوں گی ۔ سی ای او ارشد ملک کا کہنا ہے کہ پی آئی اے پاکستان کے بڑے شہروں کو فضائی رابطہ سے منسلک کر رہی ہے۔

خیال  رہے  کہ اس سے قبل 7 اپریل کو قومی ایئر لائن نے تاریخ میں پہلی مرتبہ لاہور سے اسکردو کے لیے فلائٹ آپریشن شروع کیا تھا، لاہور سے پہلی پرواز ایئر بس 320 کے ساتھ 160 مسافروں کو لے کر اسکردو پہنچی تھی۔

یاد رہے کہ 22 اگست کو سی اے اے نے اندرون ملک فضائی سفر کے لیے مسافروں پر کورونا ویکسینیشن کی لازمی شرط کا اعلان کیا اور کہا 10 ستمبر 2021 سے اندرون ملک ویکسین کے بغیر سفر نہیں کیا جا سکے گا۔