مریم نواز کا ڈسکہ میں دوبارہ انتخابات کا مطالبہ

وزیرآباد میں جلسہ سے خطاب کرتے ہوئے مسلم لیگ ن کی نائب صدر مریم نواز کا کہنا تھا کہ میں وزیرآباد کے عوام کو شاباش دینا چاہتی ہوں،دھاندلی کے باوجود وزیر آباد کی عوام نے ووٹ کو عزت دو کی جنگ لڑی، جب وزیرآباد کے ووٹوں کے تھیلے چورا کر بھاگ رہے تھے تو انہیں ہمارے شیروں نے پکڑا، دھونس جبراوردھاندلی کےباوجودنوازشریف بیانیے کی جنگ لڑی،آٹا چوروں، گیس چوروں، چینی چوروں کا مقبرہ عوام نے یہاں ہی بنادیا،نوشہرہ میں نواز شریف نے انکے گھر میں گھس کرانہیں مارا، جو کہتے تھے نواز شریف کی سیاست ختم ہوگئی انہوں نے ضمنی الیکشن دیکھ لیا،نواز شریف باہر لندن بیٹھا بھی انکے گھر گھس کرانہیں مار کرآیا ہے،ہرصوبے سےشکست عمران خان کامقدر بنی ہے۔

انہوں نے مزید کہا کہ ہم نے ووٹ چوری ہونا، بکنا سنا تھا لیکن عملہ چوری ہوتا کبھی نہیں سنا،2018میں ووٹ اور باکسز چوری ہوئے اور 2021 میں عملہ ہی چوری کرلیا گیا،بری طرح ہارنےپرشرم بھی نہیں آتی اورکہتے ہیں ووٹ بڑھ گیاہے،پنجابی جاگ جاتےہیں توگھر تک چھوڑکرآتےہیں،پاکستان اور پنجاب جاگ چکا ہے اور اب پرانے پاکستان کو لا کر ہی دم لے گا۔

مریم نواز نے مزید کہا کہ الیکشن کمیشن نے خود کہا کہ ہمارے20افسران غائب ہوگئے تھے، پوچھتی ہوں کیاڈسکہ چاندپرہےکہ آتے آتے 14گھنٹےلگ گئے،عمران خان کی چوری جب رنگے ہاتھوں پکڑی گئی تو کہتا ہے کہ 20پولنگ سٹیشنز پر دوبارہ پولنگ کروالو،پورے ڈسکہ میں دوبارہ انتخابات ہونے چاہئیں، اب اگر الیکشن ہوگا تو پورے حلقے میں ہوگا۔

انہوں نے مزید کہا کہ فراڈشیٹ کو تو سب جانتے ہیں،فراڈ شیٹ جو نواز شریف پر کیس کررہی تھی کل اس نے 45لاکھ شریف فیملی کو دیے۔