احسان اللہ احسان فرارکےذمہ دارفوجیوں کیخلاف کارروائی ہوئی:ڈی جی آئی ایس پی آر

ڈی جی آئی ایس پی آر میجر جنرل بابر افتخار  نے غیر ملکی نمائندگان سے گفتگو  کی جس میں ترجمان پاک فوج کا کہنا تھا کہ احسان اللہ احسان کافرارہوناسنگین معاملہ ہے،احسان اللہ احسان کے فرار کے ذمہ دار فوجیوں کے خلاف کارروائی کی جا چکی ہے جبکہ احسان اللہ احسان کی دوبارہ گرفتاری کی کوششیں بھی جاری ہیں لیکن فی الوقت علم نہیں ہے کہ احسان اللہ احسان کہاں ہیں۔

انہوں نے انکشاف کیا کہ بھارت پاکستان مخالف شدت پسندوں کی مددکررہاہے،بھارت ان تنظیموں کو اسلحہ،نئی ٹیکنالوجی سے نواز رہا ہے،افغان انٹیلی جنس بھی بھارتی کارروائیوں سےآگاہ ہے،پاکستان کی پالیسی ہمسایوں کیساتھ امن کا ہاتھ بڑھاناہے،آرمی چیف نےحالیہ بیان میں امن کی بات کی،ہاتھ بڑھانےکامطلب یہ نہیں کہ مشرقی سرحدپرخطرےسےآگاہ نہیں،بھارت کی تمام فوجی نقل وحرکت پرہماری نظرہے،افغان امن عمل میں مذاکرات بلا تعطل جاری رہنےچاہئیں۔

ایک سوال کے جواب میں ڈی جی آئی ایس پی آر میجر جنرل بابر افتخار   نے مزید کہا کہ جس ٹوئٹر اکاونٹ سے ملالہ کو دھمکی دی گئی وہ جعلی تھا،11 کان کنوں کے قتل  سے تعلق پر چند افراد کو حراست میں لیا گیا ہے اور یہ گرفتاریاں بہت اہم ہیں،مسنگ پرسنز کے 6ہزار کیسز تھے جس میں سے4 ہزار حل کیے جا چکے ہیں،مسنگ پرسنز کا مسئلہ حل ہونے کے قریب ہے

کچھ عرصے قبل  شمالی وزیرستان میں شدت پسندی کے بڑھتے واقعات سے متعلق سوال پر بابر افتخار  کا کہنا تھا کہ ان علاقوں میں منظم شدت پسند تنظیموں کو تو بہت عرصہ پہلے ختم کر دیا گیا تھا اور اب ان میں بڑا حملہ کرنے کی صلاحیت نہیں ہے لیکن کچھ عرصے سے ان علاقوں میں ایک بار پھر تشدد کے واقعات رپورٹ ہوئے ہیں،پاکستان کے سکیورٹی اداروں نے بچے کچے شدت پسندوں کے خلاف بہت جارحانہ کارروائیاں شروع کی ہیں اور  آپ جب بھی شدت پسندوں کی پیچھے جاتے ہیں تو اس کا لازمی ردعمل آتا ہے اور سکیورٹی فورسز کا بھی نقصان ہوتا ہے اور عمومی طور پر بھی تشدد میں وقتی اضافہ ہوتا ہے۔