عراق انتخابات: مقتدیٰ الصدر کی جماعت کو بڑی فتح حاصل ہوگئی

غیر ملکی خبر رساں ادارے کے مطابق  عراق میں ہونے والے پارلیمانی انتخابات میں مقتدیٰ الصدر کی جماعت کو بڑی فتح حاصل ہوگئی ہے۔ ابتدائی نتائج کے مطابق سابق وزیراعظم نوری المالکی کی جماعت دوسرے نمبر پرہے۔

عراق کے مختلف صوبوں سمیت دارالحکومت بغداد سے آنے والے ابتدائی نتائج میں مقتدیٰ الصدر کی جماعت نے 70 سے زیادہ نشستیں جیت لی ہیں۔انتخابی نتائج کی تصدیق ہونے کی صورت میں وہ اگلی حکومت سازی کے عمل میں کافی اثرانداز ہوسکتے ہیں۔

مقتدیٰ الصدرکے دفتر کے ترجمان نے  73 نشستوں کا دعوی کیا ہے، مقتدی الصدر نے سرکاری ٹی وی پر تقریر  کی اور جیت کا دعویٰ کیا اور غیر ملکی مداخلت سے پاک ایک قوم پرست حکومت بنانےکا وعدہ کیا۔