مریم نواز نے  ضمانت کا غلط استعمال کیا،ضمانت منسوخ کی  جائے :نیب  کی استدعا

تفصیلات کے مطابق  نیب  نے  مریم نواز کی ضمانت منسوخی کیلئے اسلام آباد ہائی کورٹ سے رجوع کرلیا ہے۔ درخواست میں  نیب  نے مؤقف اختیار  کیا ہےکہ  نائب صدر مسلم لیگ  ن مریم نوازعدالت میں ہرپیشی کوسیاسی تھیٹربنا دیتی ہیں۔ کمرہ عدالت میں انٹرویو  دیئے جاتے ہیں ۔ عدالتی کمرہ پریس کلب میں تبدیل کردیا جاتا ہے۔ پریس کانفرنس میں   نیب اور ہائی رینک آفیشلز کے  خلاف  اشتعال انگیز بیانات دیئے جاتے ہیں ۔

  نیب نے مزید  کہا ہےکہ  ان  کی لاہور آفس میں طلبی کے دوران  نیب  لاہور  پر حملہ کیا گیا۔ گواہان کے خلاف دباؤ ڈالا جا رہا ہے۔    عدالت مریم نواز اور کیپٹن ریٹائرڈ صفدر کی ضمانت منسوخ کردے۔

نیب کا کہنا تھا کہ  ایون فیلڈ ریفرنس میں احتساب عدالت اسلام آباد نے مریم نواز کوسات سال قید کی سزا اوردو ملین پاؤنڈ کا جرمانہ کیا۔ مریم نواز کو کوئی بھی عوامی عہدہ رکھنے کے لیے نااہل قرار دیا گیا جبکہ کیپٹن صفدر کو ایک سال قید کی سزا سنائی گئی۔ چھ جولائی 2018 کو سنائی گئی سزا کے خلاف اپیل تاحال زیر التوا ہے،، اپیل پر گزشتہ آٹھ سماعتوں میں پانچ مرتبہ اپیل کنندگان کی جانب سے التوا مانگا گیا۔

واضح رہےکہ مریم نواز نے ایون فیلڈ ریفرنس میں سزا کالعدم قرار دینے کے لیے اسلام آباد ہائیکورٹ میں درخواست دائر کررکھی ہے۔