آئی ایم ایف نے ورلڈ اکنامک آؤٹ لُک رپورٹ جاری کر دی

تفصیلات کے مطابق گزشتہ مالی سال پاکستان کی معاشی گروتھ 3.9 فیصد رہی، رواں مالی سال پاکستان میں مہنگائی کی شرح 8.5 فیصد کی  پیشگوئی کی گئی ہے۔

رواں مالی سال کرنٹ اکاؤنٹ خسارہ جی ڈی پی کا 3.1 فیصد رہ سکتا ہے جبکہ گزشتہ مالی سال کرنٹ اکاؤنٹ خسارہ جی ڈی پی کا 0.6 فیصد تھا۔ 

رواں مالی سال پاکستان میں بیروزگاری کی شرح میں کمی کا امکان ہے جبکہ پاکستان میں بے روزگاری کی شرح 4.8 فیصد تک رہنے کی پیشگوئی کی گئی ہے۔

آئی ایم ایف رپورٹ نے خطرے کی گھنٹی بھی بجا دی ہے کہ مہنگائی کم نہیں ہو گی بلکہ آئندہ مالی سال تک مہنگائی کی شرح بڑھ کر 9.2 فیصد تک پہنچ جائے گی۔

مالی سال 2026 تک کرنٹ اکاؤنٹ خسارہ جی ڈی پی کا 2.8 رہنے کی پیشگوئی کی گئی ہے۔2026 میں پاکستان کی معاشی گروتھ 5 فیصد ہو گی۔