نیشنل ٹی ٹونٹی کپ: خیبر پختونخواہ نے فائنل میں رسائی حاصل کر لی

تفصیلات کے مطابق خیبر پختونوخواہ نے ٹاس جیت کر پہلے بولنگ کا فیصلہ کیا جو کہ درست ثابت ہوا ۔

ناردرن کی جانب سے ناصر نواز اور علی عمران نے ناردرن کو 48 رنز کا آغاز فراہم کیا ناصر نواز نے 5 چوکوں کی مدد سے 27 رنزجبکہ علی ‏عمران نے 4 چوکوں کی بدولت 24 رنز کی اننگز کھیلی۔

اس کے بعد ذیشان ملک نے عمر امین کے ہمراہ رنز بنانے کا سلسلہ جاری رکھا ذیشان ملک نے 3 چوکوں اور ایک چھکے کی مدد سے 29 جبکہ عمر امین 22 رنز بنا کر آؤٹ ہوئےان کی ‏اننگز میں 2 چھکے شامل تھے۔ ‏

ناردرن نے مقررہ 20 اوورز میں 8 وکٹوں کے نقصان پر 156 رنز بنائے سہیل تنویر اور عامر جمال نے 19،19 اور ‏روحیل نذیر نے 11 رنز اسکور کیے۔ ‏

خیبر پختونخواہ کی جانب سے ارشد اقبال نے 3 جبکہ افتخار احمد، خالد عثمان اور محمد عمران نے ایک ایک وکٹ حاصل کی ہے۔

ہدف کے تعاقب میں خیبر پختونوخواہ کے صاحبزادہ فرحان نے 39 گیندوں پر 135.9 کے ‏اسٹرائیک ریٹ سے 53 رنز اسکور کرکے اپنی ٹیم کو مضبوط آغاز فراہم کیا۔ ‏صاحبزادہ فرحان کی اننگز کی میں 7 چوکے اور ایک چھکا شامل تھا‏۔

 کامران غلام نے 120 کے اسٹرائیک ریٹ سے 35 ‏رنز بنائے افتخار احمد کی 45 رنز کی دھواں دھار اننگز نے میچ کا پانسہ پلٹ دیا، انہوں نے 4 چوکے اور 3 ‏چھکے لگا کر کے پی کو فائنل میں پہنچا دیا۔‏

انہوں نے 17 گیندوں پر 4 چوکے اور 3 چھکے داغ کر 45 رنز کی ناقابل شکست اننگز کھیلی۔