اثاثہ جات کیس :اسپیکر سندھ اسمبلی آغا سراج درانی کی درخواست ضمانت مسترد

تفصیلات کے مطابق اسپیکر سندھ اسمبلی آغا سراج درانی و دیگر ملزمان کے خلاف آمدن سے زائد اثاثے بنانے کے ریفرنس میں سندھ ہائیکورٹ کے جسٹس ندیم اختر اور جسٹس اقبال کلہوڑو کی اسپیشل بینچ نے درخواست ضمانت پر گزشتہ ہفتے محفوظ کیا گیا فیصلہ سنایا ہے۔ عدالت نے آغا سراج درانی سمیت 18 ملزمان کی درخواست ضمانت پر فیصلہ سنایا ہے، ریفرنس میں آغا سراج درانی کی اہلیہ، تین بیٹیاں اور ایک بیٹا بھی نامزد تھے۔ عدالت نے آغا سراج کی اہلیہ، بیٹا، تین بیٹیاں اور ایک ملزم کی درخواست ضمانت منظور کرلی۔

خیال رہے اسپیکر سندھ اسمبلی پر ایک ارب سے زائد غیر قانونی آمدن سے اثاثے بنانے کا الزام ہے۔ ملزمان کے خلاف احتساب عدالت میں ریفرنس زیر سماعت ہے۔ سندھ ہائیکورٹ آغا سراج درانی اور دیگر کی ضمانت منظور کر چکی تھی۔ نیب نے ہائیکورٹ کے فیصلے کو سپریم کورٹ میں چیلنج کیا تھا۔ سپریم کورٹ نے ضمانتوں پر دوبارہ دلائل سننے کے لئے معاملہ واپس ہائیکورٹ بجھوایا تھا۔ چیف جسٹس ہائیکورٹ نے ضمانت پر فیصلے کے لئے دو ججز پر خصوصی بینچ تشکیل دیا۔

دوسری جانب ذرائع کے مطابق  اسپیکر سندھ اسمبلی آغا سراج درانی کی ضمانت منسوخی کے بعد نیب حکام متحرک  ہوگئے ،  چیئرمین نیب نے آغا سراج درانی کے خلاف قانون کے مطابق کارروائی کی اجازت دے دی ۔