کراچی : کلینک میں جھگڑے کےدوران مبینہ تشدد سے ایک شخص ہلاک

تفصیلات کے مطابق کراچی بفرزون نمک بینک کے قریب کلینک میں جھگڑے کےدوران مبینہ تشدد سے ایک شخص ہلاک ہوگیا ہے، ہلاک شخص کی شناخت ناصر کے نام سے ہوئی، لاش عباسی شہید اسپتال منتقل کردی گئی ہے۔

بھائی نے دعوی کیا ہے کہ  متوفی کا جلد چیک اپ نہ کرنے پر ڈاکٹر سے جھگڑا ہوا تھا، ڈاکٹر نے بیٹے اور ساتھی کے ہمراہ کلینک میں ناصر پر تشدد کیا،  تشدد کے باعث ناصر کی حالت غیر ہوگئی جس پر پولیس کو اطلاع دی،  اسپتال لے کر پہنچے تو ڈاکٹرز نے موت کی تصدیق کردی۔

جی این این کےمطابق  گبول ٹاون پولیس نے تشدد کے الزام میں ڈاکٹر کو حراست میں لے لیا ہے۔