ایرانی چیف آف جنرل اسٹاف  کا جوائنٹ اسٹاف ہیڈ کوارٹرز کادورہ، آئی ایس پی آر

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق ایرانی چیف آف جنرل اسٹاف  نے  جوائنٹ اسٹاف ہیڈ کوارٹرز کادورہ کیا ہے، ایرانی چیف  آف جنرل اسٹاف کی آمدپرگارڈآف آنر پیش کیاگیا۔  جنرل ندیم رضاسےایرانی چیف آف جنرل اسٹاف کی ملاقات ہوئی، ملاقات میں باہمی دلچسپی، علاقائی و سیکیورٹی صورتحال اور تعاون  پرتبادلہ خیال کیا گیا۔

 آئی ایس پی آر کا کہنا ہے کہ  خطےکی افغانستان کےتناظرمیں صورتحال اورانسداد دہشتگردی امور پرگفتگو ہوئی،باہمی فوجی رابطوں کو مزید فروغ اور وسعت دینےکی ضرورت پر زور دیا گیا  ،  دونوں جانب سےمشترکہ بارڈرز کو دوستی اور امن کی سرحد قرار دینے پر اتفاق کیا گیا۔

جنرل ندیم رضا نے اس موقع پر کہا کہ  دونوں ممالک کاقومی اورعالمی معاملات پریکساں مؤقف ہے، دونوں ممالک میں فوجی، اسٹریٹیجک تعاون کی ضرورت ہے۔ ایرانی چیف کےدورےسےدفاعی تعاون کانیاباب شروع ہوگا۔

ایرانی چیف نے کہا کہ  پاکستان کی مسلح افواج کی پیشہ ورانہ صلاحیتیں قابل قدرہیں، دہشتگردی کیخلاف پاکستانی افواج کی قربانیاں قابل تحسین ہیں۔