وفاقی حکومت کا شوکت ترین کو مشیر بنانے کا فیصلہ،ذرائع

ذرائع  کے مطابق وفاقی حکومت  نے  شوکت ترین کو مشیر بنانے کا فیصلہ کیا ہے،  وزیر خزانہ شوکت ترین کی بطور وفاقی وزیر مدت آج ختم ہوجائے گی۔ شوکت ترین بطور مشیر خزانہ زمہ داریاں جاری رکھیں گے، وزیراعظم عمران خان جلد شوکت ترین کی بطور مشیر تعیناتی کی منظوری دینگے۔

ذرائع کا کہنا ہے کہ  اسحاق ڈار کی نشست پر الیکشنز ایکٹ ترمیمی آرڈیننس کا اطلاق نہ ہونے کیوجہ سے شوکت ترین سینیٹر نہ بن سکے،  وفاقی حکومت نے اسحاق ڈار کی نشست پر سپریم کورٹ سے رجوع کررکھا ہے۔

خیال رہے کہ  شوکت ترین کو 6 ماہ کےلئے وفاقی وزیر بنایا گیا تھا،  آئین کے مطابق 6 ماہ دوران رکن پارلیمنٹ نہ بننے کی صورت میں عہدہ چھوڑنا لازم ہے۔

واضح رہے کہ رواں سال اپریل میں  شوکت ترین نے وزیر خزانہ کے عہدے کا حلف اٹھا یا تھا۔