بھارتی فوج میں خودکشیوں کا رجحان ، خاتون لیفٹیننٹ کرنل کی خودکشی

دہلی : کچھ عرصہ بھارتی فوج میں خودکشی کا رجحان بڑھتا جارہا ہے ۔ 

حالیہ دنوں میں بھارتی فوج کی خاتون لیفٹیننٹ کرنل کی خودکشی نے بھارتیوں کو ہلا کررکھ دیا ہے ۔ 

اطلاعات کے مطابق بھارتی ریاست مہاراشٹرا کے ضلع پونے میں 43 سالہ خاتون لیفٹیننٹ کرنل پراسرار طور پر مردہ پائی گئیں جن کے خودکشی کرنے کا خدشہ ظاہر کیا گیا ہے۔ 

پولیس کے مطابق خاتون افسر کا تعلق اترکھنڈ سے تھا اور وہ تین ماہ کی ٹریننگ کے لیے جے پور آئی تھیں، ان کی شادی بھی کرنل سے ہوئی تھی جس کے بعد ان کے اپنے شوہر سے طلاق کے معاملات چل رہے تھے۔

 پولیس نے شبہ ظاہر کیا ہےکہ خاتون نے گھریلو تنازعات کے باعث خودکشی کی ہے تاہم اس حوالے سے تحقیقات جاری ہیں۔

پولیس کا کہنا ہےکہ خاتون کے پاس سے کوئی خودکشی کا نوٹ نہیں ملا تاہم ان کے پاس سے ان کے والد کا ایک پرانا خط ملا ہے ۔واضح رہے کہ خاتون کے والد خود بھی ریٹائرڈ فوجی ہیں۔