سندھ اور پنجاب میں کورونا پابندیوں میں نرمی

لاہور/کراچی : عالمی وبا کورونا کے کیسز میں کمی کے بعد سندھ اور پنجاب میں کورونا پابندیوں میں نرمی کردی گئی ہے۔

سندھ اور پنجاب کے اضلاع کے لاک ڈاؤن میں نرمی کا نوٹفیکیشن جاری کردیا گیا ہے ۔ 

نوٹیفکیشن کے مطابق پنجاب مارکیٹ اور کاروباری مراکز دس بجے تک کھل سکیں گے ۔ پنجاب اور سندھ بھر میں ہفتہ کے ساتوں دن کاروباری معمولات بحال رہیں گے ۔ 

ہوٹلز ، ریسٹورینٹس میں انڈور ڈائیننگ کی پچاس فیصد گنجائش کی اجازت ہوگی۔ ویکسی نیٹڈ افراد رات بارہ بجے تک ہوٹلز اور ریسٹورینٹس میں جاسکتے ہیں ۔ 

انڈور شادیوں کی تقریبات کی اجازت صرف 300 ویکسی نیٹڈ افراد کی گنجائش کے ساتھ  ہوگی۔ آؤٹ ڈور شادیوں میں 500 ویکسی نیٹڈ افراد کی اجازت ہو گی۔ سندھ میں آوٹ ڈور تقریبات  میں ایک ہزار ویکسینٹڈ افراد شرکت کر سکیں گے۔

تمام مزارات مکمل ویکسی نیٹڈ افراد کے لیے کھلیں رہیں گے۔ سینما گھر مکمل ویکسینٹڈ افراد کےلیے کھلے رہیں گے۔

نوٹیفکیشن میں یہ بھی کہا گیا ہے کہ سندھ بھر میں اب امیوزمنٹ پارکس اور سوئمنگ پولز کھولے جا سکتے ہیں۔پبلک ٹرانسپورٹ اور ریلوے کیلئے ایس او پیز کے ساتھ 70 فیصد مسافروں کی اجازت ہوگی۔

نوٹیفکیشن کے مطابق ضلعی انتظامیہ صورت حال کا جائزہ لے کر محدود لاک ڈاؤن لگانے مجاز ہوگی۔ دونوں صوبوں میں  پابندیوں کا نوٹیفکیشن اکتیس اکتوبر تک لاگو ہوگا۔ آئندہ حکم تک ماسک پہننے کی پابندی برقرار رہے گی۔