عمران خان کی حکومت پانچ سال پورے کرے گی ، شیخ رشید

وفاقی وزیر داخلہ شیخ رشید احمد نے  معروف ایٹمی سائنسدان ڈاکٹر عبدالقدیر خان کے اہل خانہ سے تعزیت کا اظہار کرنے کے بعد ان کی رہائش گاہ کے باہر میڈیا سے گفتگو کرتے ہوئے کہا کہ  ڈاکٹر عبدالقدیر خان قومی ہیرو تھے ان کی فیصل مسجد میں تدفین کے سارے انتظامات مکمل تھے ان کی اہلیہ نے کہا کہ ڈاکٹر قدیر کی وصیت تھی کہ ان کو ایچ ایٹ قبرستان میں سپردِ خاک کیا جائے۔وزیر اعظم کی ہدایت پر انہیں پورے سرکاری اعزاز کے ساتھ سپرد خاک کیا گیا۔

وزیر داخلہ شیخ رشید نے کہا کہ ڈاکٹر عبدالقدیر خان قومی ہیرو تھے ان کی فیصل مسجد میں تدفین کے سارے انتظامات مکمل تھے ان کی اہلیہ نے کہا کہ ڈاکٹر قدیر کی وصیت تھی کہ ان کو ایچ ایٹ قبرستان میں سپردِ خاک کیا جائے۔وزیر اعظم کی ہدایت پر انہیں پورے سرکاری اعزاز کے ساتھ سپرد خاک کیا گیا۔انہوں نے کہا کہ  مریم نواز کی گزشتہ روز کی تقریر سے لفظ عمران خان نکال دیا جائے تو اس میں کچھ نہیں تھا، یہ صرف الٹی گردان تھی ،لندن میں بیٹھ کر خون کے آنسو رونے کی نواز شریف کو کوئی ضرورت نہیں۔ ان کا کہنا تھا کہ  اپوزیشن نالائق،نکھٹو،کم عقل اور معاملہ فہمی سے عاری ہے۔جب پورے خطے میں ہر طرف دہشت گردی کی لہر ہے ایسے میں خود بلٹ پروف گاڑی میں بیٹھ کر لوگوں کو ساتھ دوڑانا کوئی دانشمندی نہیں۔

شیخ رشید کا کہنا تھا کہ عمران خان کہیں نہیں جارہے اللہ کے حکم اور نبی کریم ؐکے صدقے پانچ سال پورے کریں گے،آئندہ انتخابات کی تیاری کریں گے فیصلہ عوام کریں گے۔وزیر داخلہ نے کہا کہ  ساری دنیا میں تیل اور خوردنی تیل کی قیمتوں میں اضافہ ہوا ہے،اس پر قابو پانے کے لئے پوری کوشش کررہے ہیں۔ 

وزیر داخلہ  نے ایک سوال کے جواب میں کہا کہ   ڈالر کی قدر میں اضافہ کے حوالے سے چار پانچ بڑی ایکسچینج ایجنسیوں کا آڈٹ کروا رہے ہیں،24 لوگوں کو پکڑا ہے۔ڈالر کی افغانستان سمگلنگ اور افغانستان کے حالات بھی اس کی ایک وجہ تھے۔ ایف آئی اے کو ہدایت کی ہےکہ اس سارے معاملے کی تحقیقات کریں۔