ٹی ٹوئنٹی ورلڈ کپ آج سے شروع ہوگا

تفصیلات کے مطابق آج  پہلا میچ پاپوا نیو گنی اور میزبان عمان کے درمیان مسقط میں ہوگا جبکہ اسی گراونڈ  پر دوسرا میچ بنگلا دیش اور اسکاٹ لینڈ کی ٹیموں کے درمیان ہوگا۔

  ٹی ٹوئنٹی ورلڈ کپ کے پہلے مرحلے میں رینکنگ پر موجود نویں اور دسویں نمبر کی ٹیمیں بنگلا دیش اور سری لنکا اور   6 کوالیفائرز شریک ہوں گے۔یہ مرحلہ 17 سے 22 اکتوبر تک جاری رہے گااور ان میں  سے چار ٹیمیں دیگر ٹاپ 8 ٹیموں کو سپر 12 میں جوائن کریں گی جس کے بعد  سپر 12 معرکہ 23 اکتوبر سے شروع ہوگا۔ 

ٹی ٹوئنٹی ورلڈ کپ  2021 میں   ویسٹ انڈیز کی ٹیم اعزاز کا دفاع کرے گی ،یہ یونٹ  اگلے چار ہفتوں تک جاری رہے گی اور 14 نومبر کو چیمپئن کا فیصلہ ہوجائے گا۔

خیال رہے  کہ  ٹی ٹوئنٹی ورلڈ کپ 2021 بھارت نے ہوسٹ کرنا تھا لیکن کورونا وائرس کی صورتحال کے پیش نظر بھارتی کرکٹ بورڈ نے یونٹ متحدہ عرب امارات میں منتقل کرنے کا فیصلہ کیا تھا۔