پاکستان ، بھارت کا ہاٹ لائن پر رابطہ ، ایل او سی معاہدے کی پاسداری میں اتفاق

پاک فوج کے شعبہ تعلقات عامہ (آئی ایس پی آر) کے ترجمان میجر جنرل بابر افتخار کے مطابق دونوں ڈی جی ایم اوز کے درمیان بات چیت اچھے ماحول میں ہوئی۔جس میں دونوں افسران کے درمیان ایل او سی کی صورتحال پر تبادلہ خیا ل کیا گیا ہے۔

ڈی جی آئی ایس پی آر نے بتایاکہ 1987سے پاکستان اور بھارت کے درمیان ہاٹ لائن پر رابطہ ہے اور دونوں ڈی جی ایم او یوز رابطہ کرتے رہتے ہیں ،2003 میں ایک اور انڈرسٹینڈنگ رہی جس کے بعد یہ بہت افیکٹ کرتا تھا ۔  بھارت اور پاکستان نے اتفاق کیا ہے کہ 2003 میں جو اتفاق ہوا تھا اس پر عمل کیا جائے ۔ 

ترجمان پاک فوج نے بتایا کہ2003کے بعد اب تک ٹوٹل سیز فائر وائلیشن ساڑھے 113 ہزار سے زیادہ ہیں ،اب تک  300سے زائد شہید اور 16سو زخمی ہوئے ہیں ، شہدا میں 49 خواتین اور 36 بچے بھی شامل ہیں۔ تاہم 2019 میں سب سے زیادہ وائلیشن ہوئی ہیں ۔