ملک بھرکےتعلیمی ادارے یکم مارچ سے معمول کے مطابق کھولنے کا اعلان

تفصیلات کے مطابق وفاقی وزیر تعلیم شفقت محمود  نے سماجی رابطے کی ویب سائٹ ٹوئٹر پر  پیغام میں کہا کہ    کچھ بڑے شہروں کے اسکول پر 28 فروری تک مرحلہ وار کلاسز لیں گے  اور اس  فیصلے کا اطلاق  تمام تعلیمی اداروں پر ہوگا ۔

Important announcement. All schools will go back to regular 5 day classes from Monday March 1. Restrictions imposed in some major cities on schools to conduct staggered classes was only till Feb 28.

— Shafqat Mahmood (@Shafqat_Mahmood) February 25, 2021

خیال رہے کہ عالمی وبا کورونا وائرس کی دوسری لہر میں شدت کے بعد تعلیمی ادارے بند کردیے گئے تھے جنہیں 18 جنوری سے مرحلہ وار کھولا گیا۔مرحلہ وار کھولے گئے اسکولوں میں پچاس فیصد بچے ایک روز اور پچاس فیصد بچوں کو اگلے روزکاکہا گیا تھا۔

کورونا وائرس کی دوسری لہر کے پیش نظر پاکستان میں گذشتہ سال 26 نومبر سے تمام تعلیمی ادارے بند جبکہ آن لائن کلاسز جاری رکھنے کا فیصلہ کیا گیا تھا۔ یہ فیصلہ کیا گیا تھا کہ ہوم ورک آن لائن ہوگا اور جہاں یہ نہیں ہوسکتا وہاں اساتذہ اور والدین اس کا طریقہ طے کریں گے۔

واضح رہے کہ پاکستان میں کورونا وائرس کا پہلا کیس 26 فروری 2020 کو ریکارڈ کیا گیا تھا اور ملک کے تعلیمی ادارے اسکول، کالج اور جامعات  کیسز میں اضافے کے باعث 16 مارچ سے31  مئی تک تمام تعلیمی ادارے بند کر دیے گئے  تھے ۔ سندھ سمیت ملک کے دیگر صوبوں میں کورونا کے کیسز کا سلسلہ نہ تھما تو تعلیمی اداروں کی بندش میں مزید تین ماہ کا اضافہ کیا گیا۔