پاکستان کی مقبوضہ کشمیر میں بھارتی قابض افواج کیجانب سے ماورائے عدالت قتل کی شدید مذمت

تفصیلات کے مطابق  پاکستان   نے  مقبوضہ جموں کشمیر میں بھارتی قابض افواج کی جانب سے ماورائے عدالت قتل اور انسانی حقوق کی سنگین خلاف ورزیوں کی شدید مذمت کی ہے۔

ترجمان دفتر خارجہ کا کہنا ہے کہ  پاکستان جعلی مقابلوں، محاصروں اور تلاشی کی کارروائیوں میں ماورائے عدالت قتل کے واقعات کی شدید مذمت کرتا ہے ۔ مقبوضہ جموں کشمیر میں بھارتی قابض افواج کی جانب سے صوابدیدی حراست اور انسانیت کے خلاف جرائم کی مذمت کرتے ہیں۔  مقبوضہ جموں کشمیر میں سلامتی اور انسانی حقوق کی بگڑتی ہوئی صورتحال عالمی برادری کے لیے تشویشناک ہے۔