شاہ رخ اور سلمان خان ایک بار پھر سکرین پر ساتھ نظر آنے کیلئے تیار

تفصیلات کے مطابق ممبئی کے راج اسٹوڈیوز میں  سدھارتھ آنند کی  ہدایتکاری میں سلمان خان اور شاہ رخ خان ایکشن اور سنسنی سے بھرپور  فلم "  پٹھان " کے لئے دوبارہ اکٹھے ہو رہے ہیں ،  جمعہ کے روز یک با ر پھر شوٹنگ کاآغاز  کیا جارہا ہے ۔

بھارتی فلم انڈسٹری کے ٹائیگر اور بادشاہ ،جو اس سے قبل"  کرن ارجن " کے کرداروں سے   بھی  شہرت حاصل کرچکے ہیں ، وہ آنے والی فلم " پٹھان "  میں اسکرین  شئیر کرنے والے ہیں ۔ سلمان خان کل سے کنگ خان کے ساتھ اپنے حصے کی شوٹنگ شروع کریں گے۔سلمان خان آخر ی مرتبہ شاہ رخ خان کی بلاک بسٹر فلم ’اوم شانتی اوم‘ کے ٹائٹل سانگ میں اُن کے ساتھ نظر آئے تھے جس میں اُن کا مختصر سا کردار تھا۔

اگر بالی وڈ کے ماضی کی جانب  دیکھیں  تو شاہ رخ خان اور سلمان خان نے جن فلموں میں ساتھ کام کیا وہ سُپر ہٹ فلمیں رہی ہیں اور آج بھی  شائقین  اُن فلموں کو دیکھنا بے حد پسند کرتے ہیں۔ شاہ رخ خان ، سلمان خان ، دیپیکا پڈوکون اور جان ابراہم  اس فلم میں اداکاری کے جوہر دکھائیں گے ۔ 

گزشتہ سال نومبر میں دیپیکا پاڈیکون   ،  شاہ رخ   خا ن نے  اپنی فلم کی شوٹنگ  کا آغاز کیا تھا تاہم  کورونا وائرس کے باعث  شوٹنگ روک دی گئی تھی ۔