سینیٹ انتخابات : بلاول بھٹو کی مریم نوازسے آج اہم ملاقات

تفصیلات کے مطابق پاکستان پیپلز پارٹی کے چیئرمین   بلاول بھٹو کی سربراہی میں وفد  مریم نواز و لیگی قیادت سے ملاقات جاری ہے    جس میں ملکی سیاسی صورت حال اور حکومت مخالف تحریک پر تبادلہ خیال کیا  جائے گا ،  بلاول بھٹو زرداری اور مریم نواز حکومت کیخلاف شارٹ ٹرم اور لانگ ٹرم حکمت عملی پر غور کریں گے ۔ 

ملاقات میں دونوں رہنماوں  میں سینٹ انتخابات کے حوالے سے مشاورت ہو گی جبکہ مریم نواز پیپلزپارٹی کے وفد کے اعزاز میں ظہرانہ بھی دیں گی ۔  پیپلزپارٹی کے وفد میں یوسف رضا گیلانی، مخدوم احمد محمود، قمر زمان کائرہ، چوہدری منظورشامل ہیں۔دوسری جانب مسلم لیگ نون کے وفد میں احسن اقبال، پرویز رشید، رانا ثناء اللہ، سعد رفیق اور مریم اورنگزیب شامل ہیں۔