دمشق میں دھماکہ،13 فوجی اہلکار ہلا ک

عرب میڈیا کے مطابق دھماکہ  سڑک کنارے نصب دو بم پھٹنے  سے ہوا۔ دھماکہ اس وقت ہوا جب فوجی اہلکاروں کی بس  حافظ الاسد پل  سے گزررہی تھی ، ریاستی  ادارے نے دھماکے کو "دہشت گرد ی " قرار دیا۔

ٹی وی چینلز پر تصاویر میں  بس کے جلتے ہوئے کیبن  دکھائی دیے جا سکتے ہیں ۔

10 سالہ خانہ جنگی کے باوجود حالیہ برسوں میں شام کے دارالحکومت میں اس طرح کے واقعات  بہت کم دیکھنے میں آئے ہیں ۔

اقوام متحدہ کے مطابق صدر بشارالاسد کے خلاف مظاہروں کے بعد خانہ جنگی میں کم از کم 350،000 افراد ہلاک ہوئے۔

اکتوبر 2020 میں  شام کے دارالحکومت میں ایک کار بم دھماکے میں دمشق کے مفتی عدنان العفیونی جاں بحق  ہوئے تھے۔