آرمی چیف سے نیٹو کے سینئر سول نمائندے کی ملاقات، افغانستان کی صورتحال پر  تبادلہ خیال

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے نیٹو کے سینئر سول نمائندے کی ملاقات ہوئی ہے،  ملاقات  میں باہمی دلچسپی کے امور اور خطے میں امن و امان کی صورتحال پر تبادلہ خیال کیا گیا،  ملاقات میں افغانستان کی صورتحال پر بھی تبادلہ خیال کیا گیا ۔

آرمی چیف جنرل قمر جاوید باجوہ نے اس موقع پر کہا کہ  انسانی المیہ سے بچنے کے لیے افغانستان میں مشترکہ عالمی کوششوں کی ضرورت ہے۔

آئی ایس پی آر کا کہنا ہے کہ نیٹو نمائندے نے افغانستان میں امن کیلئے کردار اور غیر ملکیوں کے انخلا میں مدد دینے پر پاکستان کی تعریف کی، مہمان نے علاقائی استحکام کے لیے پاکستان کے کردار کو بھی سراہا۔