حکومت کا الیکشن کمیشن کے فیصلے کیخلاف اپیل دائر کرنے کا فیصلہ

تفصیلات کے مطابق ڈسکہ این اے 75میں دوبارہ پولنگ سے متعلق الیکشن کمیشن کے فیصلے کیخلاف  علی اسجد ملہی وزیر اعظم کی منظوری کے بعدسپریم کورٹ میں اپیل دائر کریں گے۔

دوسری جانب این اے 75 ڈسکہ  کےضمنی انتخابات  میں ہونے والی دھاندلی کی شکایت پر الیکشن کمیشن نےچیف سیکرٹری اورآئی جی پنجاب کو وضاحت کیلئے 4 مارچ کو طلب کر لیا ہے جبکہ ڈسکہ این اے 75میں کمشنراورآر پی اوکوعہدوں سےہٹانےکافیصلہ کیاہے اور  ڈی سی،ڈی پی او،اےسی،ایس ڈی پی اوکو بھی معطل کرنےکافیصلہ کیا گیا ہے۔

قبل ازیں چیف  الیکشن کمشنر سلطان راجہ  کی سربراہی میں فل بنچ نے این اے 75 ضمنی انتخاب میں بے ضابطگیوں سے متعلق کیس کی الیکشن کمیشن میں  سماعت  ہوئی۔الیکشن کمیشن نے فیصلہ سنا دیا ،فیصلے کے مطابق الیکشن کمیشن نے  این 75ڈسکہ  میں ضمنی انتخاب کالعدم قرار  دیتے ہوئے  18 مارچ کو دوبارہ الیکشن  کروانے کا حکم دے دیا ۔ فیصلے میں کہا گیا ہے کہ حلقے میں ضمنی انتخاب شفاف نہیں ہوا، انتخابی ماحول خراب کیاگیا اور لڑائی جھگڑے کے واقعات ہوئے، ووٹرزکوووٹ ڈالنے کیلئےبہترماحول نہیں ملا اور تمام پولنگ اسٹیشن پردوبارہ پولنگ ہوگی ۔