لاہور:احتجاجی ریلی میں مظاہرین کے تشدد سے 2 پولیس اہلکار ہلاک

تفصیلات کے مطابق کالعدم تحر یک کے احتجاجی مظاہروں کے دوران لاہور پولیس کے دو اہلکار شہید ہوگئے۔

پولیس حکام کے تحت جاں بحق اہلکاروں کو مظاہرین نے اپنی گاڑیوں کےنیچے کچل کر مارا جبکہ شہید ہونے والوں میں ہیڈکانسٹیبل ایوب اور کانسٹبل خالد جاوید شامل ہیں ۔ 

خالد جاوید چوکی میو گارڈن جبکہ ایوب تھانہ گوالمنڈی میں تعینات تھے۔

خیال رہے کہ کالعدم تنظیم تحریک لبیک پاکستان (ٹی ایل پی) کی جانب سے لاہور سے وفاقی دارالحکومت اسلام آباد کی طرف لانگ مارچ شروع کردیا گیا ہے۔

لاہور شہر کے داخلی و خارجی راستے کنٹینرز لگا کر بند کر دیے گئے ہیں، مختلف مقامات پر واٹر کینن، ٹیئر گیس، اسپرے، ربڑ بلٹس نفری کے پاس موجود ہے۔

پولیس کا کہنا ہے کہ دھرنے کے شرکا کو شہر سے باہر نہیں جانے دیا جائے گا۔